Lajme 8

Tirana shpallet kampione dy javë para fundit

Tirana ka arritur të fitojë titullin e 23 kampion dy javë përpara përfundimit të kampionatit duke mundur në derbi ekipin e Partizanit me rezultatin 1-0. Goli i vetëm për bardheblutë, të cilët u rikthyen te titulli pas një sezoni mungesë u shënua nga mesfushori Hetlem Çapja, i cili shënoi në të 66’. Një deri i vërtetë që i pati të gjithë deri edhe zënkat në fushë midis lojtarëve, të cilat i kushtuan edhe kartonin e kuq kapitenit të Partizanit, Beqiri. Ndeshja filloi e shpejtë dhe të dyja skuadrat kërkojnë të shënojnë. Bardheblutë janë të kujdesshëm dhe ndërtojnë aksione perfekte, por sulmuesit e Tiranës nuk arrijnë të finalizojnë siç duhet.Ndërsa të kuqtë nga ana e tyre mbrohen mirë dhe e mbështesin lojën në kundërsulmet e shpejta duke u mbështetur nga mesfushorët. Megjithë përpjekjet e të dyja skuadrave, pjesa e parë mbyllet në barazim 0-0. Fraksioni i dytë i ndeshjes është më i bukur dhe ekipet luftojnë me të gjitha mënyrat për të shënuar. Në minutën e 60’, fusha e blertë shndërrohet në një arenë lufte teksa pas një incidenti midis portierit Isli Hidi të Tiranës dhe kapitenit të Partizanit, Beqiri ky i fundit ndëshkohet me karton të kuq duke lëshuar edhe një lumë akuzash ndaj tifozëve bardheblu. Vetëm gjashtë minuta më pas vjen edhe goli i Çapjes pas një gjuajtje të fortë nga jashtë zone. Megjithë përpjekjet e vazhdueshme të “demave të kuq” në pjesën e mbetur, ata nuk arrijnë të shënojnë duke pësuar humbjen e dytë në dy javë.