Lajme 2

Meta: Konsensus per zgjedhjen e presidentit

Meta tha se LSI pret reagimin e mazhorances, ndersa i beri thirrje kryeministrit te lexoje mesazhin e Bush per bashkepunim mes forcave politike

LSI kerkon ndertimin e nje procesi konsensual mes maxhorancës dhe opozitës për zgjedhjen e presidentit te ardhshem te vendit. Kryetari i kesaj partie Ilir Meta beri me dije se LSI pret reagimin e mazhorances, ndersa i beri thirrje kryeministrit te lexoje mesazhin e Bush per bashkepunim mes forcave politike. "Maxhoranca aktuale nuk e ka marrë ende seriozisht këtë çështje, që është një detyrim si për shumicën dhe për opozitën. LSI e ka bërë të qartë qëndrimin e saj se duhen bërë përpjekje, jo vetëm për të zgjedhur një president, por për të kërkuar një proces konsensual dhe mendoj se ky ishte dhe mesazhi i vizitës së fundit të Bush, që midis maxhorancës dhe opozitës të realizohen ato standarde për në NATO dhe BE" tha Meta.

I pyetur per vendimin e opozites per bojkotin e raundit te pare te votimit per kreun a ardhshem te vendit, Meta e cilesoi kete levizje me teper si nje ceshtje teknike. "Ne jemi kundër bojkotit dhe nuk do ta quaja të tillë një mungesë prezence, eventualisht të mundshme më 20 qershor, pasi bojkoti nuk është një zgjidhje. Por, natyrisht dhe pjesëmarrja në procese që vetëm zgjidhje nuk ofrojnë nuk ndihmon në zgjidhjen reale të problemit", tha Meta.