Lajme 11

Liverpul, 147 mijë euro për fitoren në Champions

Kreu i skuadrës së njohur angleze, Liverpul, ka njoftuar se futbollistët e klubit do të shpërblehen me shuma të larta parash në rast të fitores në finalen e Ligës së Kampionëve. Kështu, çdo futbollisti do t’i takojë shpërblimi prej afro 147.000 eurosh. Liverpuli në finalen e 23 majit në Athinë do të përballet me gjashtë herë kampionin e Evropës, AC Milanin dhe do të jetë njëherësh përsëritja e paharrueshme e finales së vitit 2005 në Stamboll, kur “të kuqtë” nga “Anfild Roud” nga disavantazhi 0:3 në pjesën e parë arritën në 3:3 në pjesën e dytë dhe më vonë fituan trofeun pas ekzekutimit të penalltive.